خانه / بیانیه ها / شاهیر “آنه محمد سادا” تورکمنستان نشریه سینی قوتلاپدی

شاهیر “آنه محمد سادا” تورکمنستان نشریه سینی قوتلاپدی

شو آشاقداقئ سطرلری یاتان یری یاغتی بولان شاهئرئمئز آنه محمد سادا (سانجار) مدنی – سیاسی اوجاغئمئزینگ اؤز ارکینلیگینی جار ادنلیگینه بویسانئپ یازئپدی. اونونپ بو بویسانچلی سؤزلری هم شادئیان کشبی هنیزم گؤزلریمیزنگ اؤنگونه گلیأر. آنه محمد سادا (سانجار) انچمه یئلاپ “تورکمنستان ایران” نشریه سی نینگ ادبی بؤلومینی آلیپ بارئپدی. بو کؤنلمجک سیاسئ چاغئرئشی شو گون میناسبیتلی یئنه ده اوقئجئلارئنگ دئقغاتئنا حؤدورلیأریس.

              گلینگ!

گلینگ ایلدشلریم، گلینگ دوستلاریم!

شادیان حابارئمی اوقانگ گؤزۆمدن

یۆزۆمدن باحارئنگ بارق اوریان گۆلۆن

گۆللرینگ ائسئنئ آلئنگ سؤزۆمدن!

 

حای- حایلی گۆنلرینگ بییک موقامئن،

تأزه دن کۆیسه یأنلر دینگله سین منی،

تۆرکمن توپراغئندان میللی سۆتمینگ،

کۆکۆن غوپارماغا، چرمه یان قولونی.

 

ایللریم اوزالدان تانایار سسیم،

ایل- گۆنینگ ائنامین اؤدأن گرچک من.

بو آلا صأحرأده، آتا یوردومدا،

ارکانا دورموشئنگ کؤشگون قورجاق من.

 

ساواش آدیملارئن دینگلأنگ، دایانئنگ

بیللر قایم قوشامالئ بو گۆنللر!

آتالار حاطارئما پیادا گیرسه

دور آتئن-دا بسلأپ گلسین اوغلانلار.

 

باختئ مئنگ بؤلگی یۆزلری آیئم،

اویالام بار، ماغی، گۆللی لم گلسین،

اللری چکیچلی آقالار بیلن

جنگده یتیم قالان باللی لام گلسین.

 

دؤرت شهیدم، دؤرت یئلدئزئم اؤچمزِک،

دؤورا عاشئق بولان انسانلار گلسین

آرقالئ لار ارکه سؤزلأر دییلیپدیر،

ارکه سؤزلمگی ایسلأنلر گلسین.

 

یولونی ییتریپ، بیر یودا گؤزلأپ،

سئیله- سیاحاتا چئقانلار گلسین،

اللر غابارچاق، دایحانلار بیلن،

آیاغی چارئقلی چوپانلار گلسین.

 

گؤزل مکانئنئ سؤییأنلر گلسین،

هم تۆرکمنلیگینه غئینانمایانلار،

توپراغئنا سجده ادیأنلر بیلن،

گلسین، انه دیلینه صارپا قوییانلار.

 

اؤز ایلینگده قول بولماق نه یامان،

قول بولماغا قارشئ گیتجکلر گلسین.

اؤز یۆکۆنگی چکمک قاهرئمانلئق دأل،

ایل یۆکۆنی آرقا آتجاقلار گلسین.

 

آرمان، شو چاغا چن ایدِگلی گزدیک

نأمه اۆچین بیلمه دیک اؤزۆمیز یؤرأپ،

تۆرکمن نأمأ غارئپ بولسا- دا هرگیز

عاقئل هم غایراتا بولماندئی غارئپ.

 

فلسفه آغتارئپ اوتورمایئن من،

قوی، قورساقدا سسیز انگله سین یۆرِک

هرحال ایندی مانگا عصاکش دأل- ده،

دنگ حورمات- حقوقلی مأحرم دوست گرک.

 

مانگا کۆل سِپـِنلر گؤوهر اۆستونه دأل،

اگنینه اودلی کؤینِک گـِینلر گرک.

مانگا «من سانگا دوست» دییأنلر دأل- ده،

مانگا «سن مانگا دوست» دییأنلر گرک.

 

مانگا ایکی یۆزلی آداملار دأل- ده

مانگا ایکی یۆزلی قلیچلار گرک،

تاوشان یۆرِک حاوچئلاردان ایردیم من

مانگا یولبارس یۆرک یولداشلار گرک.

 

آتئلان اوق داشدان قایئتماز بیگمان

یتریس گؤره شیپ آرزولئ گۆنه

قاقئپ تومشوغئنا بورنئ یللی لنگ

گیدیلینگ اوغلانلار، گیدیلینگ اؤنگه.

 

سانجار

 

۱۹- نجی مای ۱۹۸۷

اردبیهشت ۱۳۶۶

 ——————————————

آنه محمد ساده شاعر

۱۳۳۷-۱۳۸۲

۱۹۵۸-۲۰۰۳



تلگرام

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *